Цаг уур, орчны шинжилгээний газраас мэдээлснээр энэ сарын 14-нд баруун аймгуудын нутгаар, 15-нд зүүн аймгуудын нутгаар цас орж, цасан шуурга шуурна. Үүнтэй зэрэгцэн ихэнх нутгаар агаарын хэм огцом буурч, хүйтний эрч эрс чангарна гэж анхаарууллаа.
10 хоногийн цаг агаарын урьдчилсан төлөв (2025.11.10–20)
Хур тунадас
11-нд баруун болон төвийн аймгуудын нутгийн зарим газраар
12-нд Хэнтийн уулархаг нутгаар
13-нд баруун аймгуудын нутгийн баруун хэсгээр
14-нд баруун болон төвийн аймгуудын ихэнх нутгаар
15-нд төвийн аймгуудын зүүн, говийн аймгуудын хойд хэсэг болон зүүн аймгуудын ихэнх нутгаар
16-нд Халх голын сав газраар цас орж, цасан шуурга шуурна
Салхи
Ихэнх нутгаар секундэд 5–10 метр
13-нд Алтайн салбар уулсаар
14-нд ихэнх нутгаар
15-нд нутгийн зүүн хагаст
16-нд говь, тал, хээрийн бүсээр секундэд 15–17 метр хүрч ширүүснэ
Агаарын температур
Хугацааны эхэн ба сүүлээр хүйтний эрч сул байна.
14-нд баруун болон төвийн нутгаар, 15–16-нд ихэнх нутгаар хүйтний эрч эрс чангарна.
Хамгийн хүйтэн бүсүүд:
Хангай, Хөвсгөлийн уулархаг нутаг, Хүрэнбэлчир, Идэр, Тэсийн хөндийд шөнөдөө -26…-31°C, өдөртөө -14…-19°C
Алтай, Хэнтийн уулархаг нутаг, Туул, Тэрэлжийн хөндийд шөнөдөө -20…-25°C, өдөртөө -10…-15°C
Говийн өмнөд хэсэгт шөнөдөө -8…-13°C, өдөртөө -3…-8°C
Бусад нутгаар шөнөдөө -14…-19°C, өдөртөө -7…-12°C
Улаанбаатар хотын цаг агаар
11–12-нд шилжих шөнө ялимгүй цас орно
14–15-нд цас орж, цасан шуурга шуурна
Салхи нь ихэнх хугацаанд секундэд 5–10 метр, 14–15-нд баруун өмнөөс хойш эргэж секундэд 15–17 метр хүрч ширүүснэ.
Температур:
Хугацааны эхэн ба сүүлээр шөнөдөө Яармаг–Сонгины орчимд -12…-17°C, бусад хэсэгт -7…-12°C, өдөртөө -1…-6°C
14–16-нд хүйтний эрч чангарч, шөнөдөө Яармаг–Сонгины орчимд -20…-25°C, бусад хэсэгт -15…-20°C, өдөртөө -8…-13°C
