FIBA-ийн зохион байгуулдаг сагсан бөмбөгийн Азийн аваргуудын лиг (BCL Asia)-ийн Зүүн бүсийн урьдчилсан шатны тэмцээн үргэлжилж байна.
Монголын Үндэсний Дээд Лигийн 2023-2024 оны улиралд дэд байрт шалгарсан “Бишрэлт Металл” баг “А” хэсэгт орсон бөгөөд гурав дахь тоглолтоо маргааш, дөрөвдүгээр сарын 29-ний өдрийн 17:00 цагт хийхээр товложээ.
Энэ удаад тэд Тайванийн “Taoyuan Pauian Pilots” багтай Тайпэй хот дахь “Xinzhuang Gymnasium” спорт цогцолборт өрсөлдөнө.
Одоогоор Бишрэлт Металл баг 1 ялалт, 1 ялагдалтай явж байгаа бол Тайванийн баг дөрвөн тоглолт дараалан хожсоноор хэсгээ манлайлан тэргүүлж байна.
Гурав дахь тоглолтод Бишрэлт Металлдаа амжилт хүсье! Бид ялалтад итгэдэг
Амжилтанд алхам алхмаар! Бид багаа дэмжиж байна!