Анхны хурал дээр 5 жилийн хорих ял сонслоо
БНСУ-ын Ерөнхийлөгчөөр ажиллаж байх үедээ шаардлагагүй нөхцөлд цэргийн онц байдал зарласан гэх үндэслэлээр Юн Сок Ёлыг буруутгасан хэргийн шүүхийн анхны хурал өнөөдөр болж, тэрбээр мөрдөн шалгах ажиллагаанд саад учруулахыг завдсан хэрэгт холбогдон 5 жилийн хорих ял сонслоо. Прокуроруудын зүгээс мөрдөн байцаалтын явцад саад хийсэн болон холбогдох бусад зүйл ангиудыг дурдан, 10 жилийн хорих ял оноох санал шүүхэд хүргүүлээд байсан юм.
Саатуулах ажиллагааг зогсоох тушаал, баримт устгасан гэх буруутгал
Прокурорын мэдээллээр, Юн Сок Ёл өнгөрсөн жилийн нэгдүгээр сард Ерөнхийлөгчийг хамгаалах албанд чиглэл өгч, өөрийг нь саатуулах гэж байсан мөрдөн байцаагчдын ажиллагааг тасалдуулсан гэж үзжээ. Мөн цэргийн онц байдал зарлахтай холбоотой бичиг баримтыг боловсруулсан, цаашлаад онц байдлыг цуцалсны дараа тэдгээрийг устгасан гэх хэрэг түүнд холбогдсон байна. Шүүх хурлыг шууд дамжуулсан бөгөөд шүүгч Бэк Дэ Хюн “Юн Сок Ёл хийсэн хэрэгтээ огт гэмшээгүй” гэж шүүхийн танхимд хэлжээ.
“Цэргийн бослого гаргах” гэх өөр хэрэг 2-р сарын 19-нд үргэлжилнэ
Юн Сок Ёлд үүнээс гадна цэргийн бослого гаргахыг завдсан гэх өөр эрүүгийн хэрэгт яллагдагчаар татагдсан хэвээр байна. Прокурорууд тухайн хэрэгт нь хамгийн хатуу ялыг хүртэл ярих төлөвлөгөөтэй байгаа талаар мэдээлсэн бөгөөд энэ хэрэгтэй холбоотой шүүх хурлыг 2-р сарын 19-нд товлосон байна.
