Найруулагч Ч.Хоролдоржийн бүтээсэн “Цагаан хадны өнгө” баримтат кино АНУ-ын нэр хүндтэй Трибекагийн кино наадам-ын баримтат киноны уралдаант хэсэгт албан ёсоор шалгарсан байна. Энэ нь уг бүтээлийг олон улсын түвшинд дахин өндөрөөр үнэлж буй томоохон үйл явдал болж байна.
Тус кино нь Кино урлагийг дэмжих сан-гийн 2022 оны сонгон шалгаруулалтаар тодорхой хэмжээний санхүүжилт авч хэрэгжсэн бүтээл юм. Өөрөөр хэлбэл, “Цагаан хадны өнгө” нь дотоодын дэмжлэгээс эхэлж, улмаар олон улсын кино ертөнцийн анхааралд хүрч чадсан баримтат кино болжээ.
Үүнээс өмнө энэ бүтээл Английн нэр хүндтэй “Grierson Awards” наадмаас “Шилдэг богино хэмжээний баримтат кино” шагналыг хүртэж байсан нь түүний чанар, уран сайхны үнэ цэнийг олон улсын мэргэжлийн хүрээнд хэдийнэ баталсан юм.
Харин Монголын үзэгчид тус киног ирэх зургаадугаар сард эх орондоо албан ёсоор үзэх боломжтой болох ажээ.
