Азийн хөл бөмбөгийн холбооны футзалын Азийн цомын 2026 оны урьдчилсан шатны тоглолтууд Кувейт улсад явагдаж буй. Энэхүү тэмцээний “А” хэсэгт багтсан Монголын үндэсний футзалын шигшээ баг есдүгээр сарын 25-ны өдөр Энэтхэгийн багтай тоглож, 3:0-ээр ялагдлаа.
Энэ нь манай багийн дараалсан гурав дахь ялагдал бөгөөд хэсгийн онооны жагсаалтад доогуур бичигдэх нөхцөл бүрдээд байна.
Монголын шигшээ багийн өмнөх тоглолтуудыг эргэн харвал:
- Есдүгээр сарын 20-нд Австралийн багтай тоглож, 8:1-ээр хожигдсон.
- Есдүгээр сарын 23-нд зохион байгуулагч Кувейтын эсрэг талбайд 6:2-оор ялагдсан.
- Харин өнөөдөр Энэтхэгийн шигшээ багийн эсрэг тоглож, 3:0-ээр дийлдлээ.
Ийнхүү Монголын багийн хувьд урьдчилсан шатны тоглолтууд амаргүй сорил болж байна. Азийн цомын үндсэн шатанд шалгарахын тулд багууд энэ шатанд оноо өндөртэй жагсах шаардлагатай бөгөөд манай багт дахин боломж үлдэх эсэх нь цаашдын тоглолтын үр дүнгээс хамаарна.
