Канадын нэрт найруулагч Жеймс Камероны “Avatar” франчайзын гуравдугаар анги “Avatar: Fire and Ash” дэлхийн кино урлагийн түүхэнд өмнө нь байгаагүй өндөр орлогоор шинэ рекорд тогтоолоо.
Тус кино арванхоёрдугаар сарын 19-нд нээлтээ хийснээс хойш дэлхий даяарх тасалбарын нийлбэр орлого нь зургаан тэрбум ам.долларт хүрсэн тухай бокс оффисын урьдчилсан дүнгүүдэд дурджээ. Ийнхүү “Avatar: Fire and Ash” нь зөвхөн бие даасан ангийн хувьд амжилт гаргаад зогсохгүй, бүхэл цувралын нийт орлогыг шинэ түвшинд гаргасан байна.
Үүний үр дүнд “Avatar” франчайз нь киноны цуврал бүтээлийн түүхэнд хамгийн өндөр орлоготой цувралын нэгээр тодорч, “Star Wars”, “Jurassic World” зэрэг олон жилийн турш зах зээлд ноёрхож ирсэн томоохон цувралуудын орлогыг илт давсан дүнтэй бичигдэж байна.
Ингэснээр Жеймс Камерон дахин нэг удаа кино урлагийн дэлхийн рекордуудыг өөрчилж, “Avatar” төслийг зөвхөн технологи, дүрслэлийн хувьд бус, мөн эдийн засгийн үр ашиг, зах зээлийн нөлөөллөөрөө түүхэн хэмжээний үзэгдэл гэдгийг баталлаа.
