ОХУ-ын Красноярск хотод чөлөөт бөхийн нэр хүндтэй “Алтан Гран при-2026” тэмцээн, олимп дэлхийн аварга, домогт бөх Иван Ярыгины нэрэмжит олон улсын Гран при үргэлжилж байна.
Эрэгтэйчүүдийн 57 кг-ын жинд Үндэсний шигшээ баг, “Төгс” дэвжээний тамирчин, Азийн аваргын хүрэл медальт, ОУХМ Батхуягийн Мөнх-Эрдэнэ онцгой амжилт үзүүлж, финалын барилдаанд шалгарлаа.
Тэрбээр хагас шигшээд 2025 оны дэлхийн аварга, БНАСАУ-ын чөлөөт бөх Чон Сан Хантай хүч үзэж, өрсөлдөгчөө 11:1-ээр илт давуу оноогоор цэвэр ялсан нь тэмцээний хамгийн анхаарал татсан барилдаануудын нэг болж байна.
Ийнхүү Б.Мөнх-Эрдэнэ “Красноярск-2026” тэмцээний 57 кг-ын жингийн алтан медалийн төлөө хүч үзэх эрхээ авлаа.
