20 жилийн дараа дахин тогтмол нислэг үйлдэж эхэллээ
Баянхонгор аймагт 2025 оны аравдугаар сарын 29-нд “МИАТ” ТӨХК-аас Улаанбаатар – Баянхонгор – Улаанбаатар чиглэлийн орон нутгийн нислэгийг албан ёсоор эхлүүллээ.
Энэхүү нислэг нь орон нутгийн хөгжлийг дэмжих, бүс нутгийн тээврийн хүртээмжийг нэмэгдүүлэх зорилготой бөгөөд тус компани 20 гаруй жилийн дараа Баянхонгорын чиглэлд дахин тогтмол нислэг үйлдэх болж байна.
CRJ-700 онгоцоор долоо хоногт хоёр удаа ниснэ
Шинэ чиглэлд CRJ-700 загварын агаарын хөлөг ашиглан долоо хоног бүрийн лхагва, бямба гаригт тогтмол нислэг үйлдэх юм. Энэ нь МИАТ-ийн орон нутгийн ес дэх тогтмол чиглэл болж байна.
Нээлтийн хөнгөлөлттэй үнэ зарлалаа
МИАТ компани шинэ чиглэлийн нээлтийн хүрээнд онцгой тийзний хямдрал зарлаж, 2025 оны арванхоёрдугаар сарын 31-ний өдрийг хүртэл дараах үнээр зорчигч тээвэрлэнэ:
- Улаанбаатар → Баянхонгор — 193,050 төгрөг
- Баянхонгор → Улаанбаатар — 188,100 төгрөг
Орон нутгийн нислэгийн хүртээмж нэмэгдэнэ
Тус нислэгийн үйлчилгээг эхлүүлснээр орон нутгийн иргэдийн зорчих боломж сайжирч, Баянхонгор аймгийн аялал жуулчлал, эдийн засгийн идэвхийг нэмэгдүүлэх чухал ач холбогдолтой гэж үзэж байна.
