Нисэх буудал руу 24 цагийн нийтийн тээвэр
“Чингис хаан” олон улсын нисэх буудал руу зорчих нийтийн тээврийн үйлчилгээг шинэчилж, олон улсын стандартын шаардлага хангасан автобуснуудыг 24 цагаар хөдөлгөөнд оруулаад байна. Олон улсын нислэгийн хуваарьтай уялдуулан үе үеийн нислэгт тааруулж автобуснууд хөдлөхөөр зохион байгуулжээ.
ШҮ:4 “Сүхбаатарын талбай – Чингис хаан ОУНБ” чиглэлээр том хүн нэг удаагийн зорчилт 15000 төгрөг, хүүхэд 7000 төгрөгөөр үйлчлүүлэх боломжтой хэвээр байгаа ч ерөнхий цагийн хуваарьт тодорхой өөрчлөлт орсныг Нийтийн тээврийн бодлогын газраас мэдээлэв.
Үйлчилгээ үзүүлж буй үндсэн чиглэлүүд нь:
Х:19 “Сүхбаатарын талбай – Чингис хаан ОУНБ”,
Х:20 “5 шар – Чингис хаан ОУНБ”,
ШҮ:4 “Сүхбаатарын талбай – Чингис хаан ОУНБ” юм.
Доор “Чингис хаан” ОУНБ руу үйлчилж буй гурван чиглэлийн шинэчилсэн цагийн мэдээллийг дэлгэрэнгүй хүргэж байна.
Х:19 чиглэл – Сүхбаатарын талбайгаас нисэх рүү
Х:19 чиглэл нь Сүхбаатарын талбай, Төв цэнгэлдэх хүрээлэн, Яармагийн 1-р зогсоол, Буянт-Ухаа спорт цогцолбороор дайран “Чингис хаан” олон улсын нисэх буудал руу явдаг.
“Чингис хаан” ОУНБ-д ирэх цагууд нь:
07:25, 08:00, 09:00, 09:30, 10:30, 11:25, 12:00, 13:00, 13:30, 14:30, 15:25, 16:00, 17:00, 17:30, 18:30, 19:25, 20:00, 21:00, 21:30, 22:30.
Нисэхээс хот руу буцаж Сүхбаатарын талбайд ирэх цагууд:
05:35, 09:35, 10:10, 11:10, 11:40, 12:40, 13:35, 14:10, 15:10, 15:40, 16:40, 17:35, 18:10, 19:10, 19:40, 20:40, 21:35, 22:10, 23:10, 23:40, 24:40.
“Чингис хаан” ОУНБ-аас хөдлөх автобуснуудын хуваарь:
04:05, 08:05, 08:40, 09:40, 10:10, 11:10, 12:05, 12:40, 13:40, 14:10, 15:10, 16:05, 16:40, 17:40, 18:10, 19:10, 20:05, 20:40, 21:40, 22:10, 23:10.
Сүхбаатарын талбайгаас нисэх рүү хөдлөх цагууд:
05:55, 06:30, 07:30, 08:00, 09:00, 09:55, 10:30, 11:30, 12:00, 13:00, 13:55, 14:30, 15:30, 16:00, 17:00, 17:55, 18:30, 19:30, 20:00, 21:00.
Х:20 чиглэл – 5 шар – нисэх буудлын шугам
Х:20 чиглэл нь 5 шар – Буянт-Ухаа спорт цогцолбор – Архивын ерөнхий газар – “Чингис хаан” ОУНБ чиглэлд үйлчилж байгаа бөгөөд энэ шугамд том хүний нэг удаагийн зорчилтын үнэ 10000 төгрөг, хүүхдийн тасалбар 5000 төгрөг байна.
5 шар буудалд ирэх цагууд:
08:50, 12:10, 13:50, 15:30, 18:50, 22:10.
“Чингис хаан” ОУНБ-д ирэх цагууд:
07:00, 10:20, 13:40, 17:00, 22:20.
5 шар буудлаас нисэх рүү хөдлөх цагууд:
05:50, 09:10, 12:30, 15:50, 19:10.
“Чингис хаан” ОУНБ-аас хот руу хөдлөх автобусууд:
07:40, 11:00, 14:20, 16:00, 17:40, 21:00.
ШҮ:4 чиглэл – Шөнийн цагийн шууд шугам
ШҮ:4 “Сүхбаатарын талбай – Чингис хаан ОУНБ” чиглэл нь голчлон шөнийн нислэгт зориулагдсан шууд шугам бөгөөд том хүний зорчилт 15000 төгрөг, хүүхдийн тасалбар 7000 төгрөг юм.
Сүхбаатарын талбайгаас нисэх рүү хөдлөх цаг:
23:05, 02:05.
“Чингис хаан” ОУНБ-д ирэх цаг:
24:10, 03:10.
Нисэхээс хот руу буцах, “Чингис хаан” ОУНБ-аас хөдлөх цаг:
24:50.
Сүхбаатарын талбайд буцаж ирэх цаг:
01:55.
Төлбөрийн сонголт, урьдчилсан захиалга
Нисэх буудлын чиглэлийн автобуснуудад зорчих иргэд төлбөрөө бүх төрлийн төлбөрийн картаар төлөх боломжтой. Мөн UBCARD аппликейшн ашиглан дээрх чиглэлүүдийн автобусны суудлыг гурван хоногийн өмнөөс урьдчилан захиалах боломжтой гэж Нийтийн тээврийн бодлогын газраас мэдээллээ.
Ийнхүү “Чингис хаан” ОУНБ руу зорчих нийтийн тээврийн чиглэлүүдийн хуваарь, төлбөр шинэчлэгдсэн тул нислэгийн цагаа алдахгүйн тулд зорчигчид өөрт ойр буудал, чиглэл, цагийн мэдээллээ урьдчилан нягтлан, төлөвлөх шаардлагатай болж байна.
