Япон Улсын Цог Жавхлант Эзэн Хаан Монгол Улсад 2025 оны долдугаар сарын 6-13-ны өдрүүдэд төрийн айлчлал хийнэ. Энэхүү өндөр дээд хэмжээний айлчлалын хүрээнд нийслэлийн зарим гудамж, замын хөдөлгөөнийг түр хугацаанд хязгаарлах талаар албаныхан мэдээллээ.
Түр хугацаанд хаагдах гудамж, замууд:
- Их Монголын гудамж
- Олимпын гудамж
- Энхтайвны өргөн чөлөө
- Наадамчдын гудамж
- Чингисийн өргөн чөлөө
Эдгээр замууд нь:
- Хан-Уул дүүрэг
- Сүхбаатар дүүрэг
- Чингэлтэй дүүрэг
- Баянзүрх дүүрэг-ийн нутаг дэвсгэрийг хамрах бөгөөд хамгаалалт, зохицуулалтын дагуу хөдөлгөөн хязгаарлагдана.
Хуулийн байгууллагын уриалга:
Тээврийн цагдаагийн албанаас дараах уриалгыг иргэдэд хандан гаргав:
“Иргэд та бүхэн цагдаагийн алба хаагчийн хууль ёсны шаардлагыг биелүүлж, бусдад хүндэтгэлтэй хандан, замын хөдөлгөөний дүрмийг баримталж, хөдөлгөөнд соёлтой оролцохыг” хүсье.
Төрийн айлчлалын үед нийслэлийн иргэд, жолооч нар дээрх замын өөрчлөлтөд анхаарч, хөдөлгөөний зохион байгуулалтад хүндэтгэлтэй, хариуцлагатай хандахыг албаныхан онцгойлон анхааруулж байна.
