Лос Анжелес дахь 68 дахь удаагийн Грэмми ба хамгийн их хэл ам дагуулсан үзүүлбэр
Лос Анжелес хотын Crypto.com Arena-д 68 дахь удаагийн Грэммийн шагнал гардуулах ёслол өргөн цар хүрээтэй болж, хөгжмийн ертөнцийн хамгийн нэр хүндтэй уран бүтээлчид нэг дор цуглалаа. Энэ үдэш олон од тайзнаа гарсан ч хамгийн их шуугиан дагуулсан нь дуучин Жастин Биберын үзүүлбэр байв.
Тэрээр эхнэр Хэйли Биберийн хамт ёслолд хүрэлцэн ирж, сүүлийн дөрвөн жилийн хугацаанд түүний хувьд хамгийн том тайзны эргэн ирэлт болж өнгөрлөө. Гэхдээ анхаарлыг тоглолт өөрөө гэхээс илүү түүний тайзан дээрх төрх илүү их татав.
“Boyfriend” дуу, цээж нүцгэн төрх, интернет дэх халуун сэдэв
Жастин Бибер тайзнаа “Boyfriend” дуугаа дуулж байхдаа цээж нүцгэн, боксчин өмсдөг мэт богино шорт, урт оймс өмсөж гарч ирсэн нь шууд утгаараа тухайн үдшийн “халуухан” сэдэв болов.
Соёл, загварын тоймчид, олон нийтийн сүлжээний хэрэглэгчид түүний энэ төрхийг:
- Грэммийн сүүлийн жилүүдийн хамгийн ер бусын,
- Түүний карьер дахь хамгийн эрс шийдэмгий тайзны имижүүдийн нэг
хэмээн тодорхойлж, бичлэг, гэрэл зургууд нь богино хугацаанд интернэт хайлтад тэргүүлж эхэлжээ.
Хэвлэл мэдээллийн хэрэгслүүд Жастин Биберын энэ үзүүлбэрийг Грэммийн түүхэнд хувцаслалтынхаа шийдлээр онцгой дурсагдах тоглолтуудын нэг болж үлдэнэ хэмээн онцолж байна.
