Хоошёорюү “Алтан од”-оо дахин алдаж, Аонишики түүхэнд нэрээ мөнхөллөө

Нагоя башёгийн гурав дахь өдрийн барилдаанд ёкозүна Хоошёорюү С.Бямбасүрэн Украины гаралтай сүмоч Аонишикид ялагдаж, ийнхүү башёг 1 даваа, 2 унаатайгаар тун тааруу эхлүүлж байна.

“Алтан од”-ны тоогоор ухарсан ёкозүна
Хоошёорюү эхний өдөр комүсүби Такаясүг илт давуугаар ялсан ч

Хоёр дахь өдөр Вакамотохарүгийн эсрэг унаж

Өчигдөр Аонишикид ялагдсанаар

Ёкозүна цол хүртсэнээс хойш гурван башёгийн хугацаанд нийт долоон “Алтан од” буюу маэгашира зиндааны бөхөд ялагдсан тохиолдлоо бүртгүүлээд байна. Энэ нь түүний хувьд тогтворгүй байдал хэвээр байгааг харуулж буй юм.

Аонишики шинэ амжилтын эзэн боллоо
Харин Аонишикигийн хувьд:

Мэргэжлийн сүмод 12 дахь башёдоо ёкозүнаг ялж “Алтан од” хүртлээ

1958 оноос жилд зургаан башё зохион байгуулж эхэлснээс хойш
ийм богино хугацаанд “Алтан од” хүртсэн анхны бөх боллоо

Өмнө нь энэ амжилтыг Конишики болон Томоказэ нар 14 башё барилдаж байж тогтоож байв

Макүшита зиндаанаас шууд Маэгаширад дэвшин гарч ирсэн бөхчүүдийн дундаас бол Ичинёожо 5 башё-д “Алтан од” хүртэж байсныг онцолдог ч Аонишики ч мөн онцгой үзүүлэлттэй бөхөөр тодорч байна.

“Хоёр жилийн өмнө сүмод анх орж байхдаа би Макүүчид ийм хурдан дэвшиж, ‘Алтан од’ хүртэнэ гэж мэдээж төсөөлөөгүй”
— хэмээн Аонишики даруухан ярьжээ.

Аваргын тухай дүгнэлт ба түүх
Сүмогийн ертөнцөд нэр хүндтэй зодог тайлсан Акиношима дараах үнэлгээг өгсөн байна:

“Хоошёорюү мэдээж хүчтэй бөх. Гэхдээ энэ удаад яарчихлаа. Аонишики ч тийм амархан уначихаар бөх биш”

Аонишикигийн хувьд буюу жинхэнэ нэрээрээ Даниил Явгусушин, тэрбээр:

2004 оны гуравдугаар сарын 23-нд Украины Винницад төрсөн

182 см өндөр, 138 кг жинтэй

Багаасаа чөлөөт болон жүдо бөхөөр хичээллэсэн

7 настайгаасаа сүмогоор хичээллэж эхэлсэн

17 настайдаа Украины сүмогийн гурван удаагийн аварга болж,
ялагдалгүй замналыг бий болгож байжээ

Энэ бүхнээс харахад Аонишики нь зөвхөн бие бялдрын хувьд ч биш, тактик, мэдрэмжийн хувьд ч өндөр түвшинд бэлтгэгдсэн бөх юм.