Цаг уур, орчны шинжилгээний газраас мэдээлснээр, тавдугаар сарын 1-ний өдөр буюу маргааш Алтайн уулархаг болон говийн бүс нутгаар салхи шуургатай байх төлөвтэй байна. Иймд дээрх бүсүүдэд зорчих, гадаа ажиллах иргэдийг болзошгүй эрсдэлээс сэргийлж сонор сэрэмжтэй байхыг анхаарууллаа.
Маргааш Алтай, говийн нутгаар салхи шуургатай, хангайн хойд хэсгээр бороо орно
Цаг уур, орчны шинжилгээний газраас мэдээлснээр, тавдугаар сарын 1-ний өдөр буюу маргааш Алтайн уулархаг болон говийн бүс нутгаар салхи шуургатай байх төлөвтэй байна. Иймд дээрх бүсүүдэд зорчих, гадаа ажиллах иргэдийг болзошгүй эрсдэлээс сэргийлж сонор сэрэмжтэй байхыг анхаарууллаа.
Хуурайшилт нэмэгдэж, түймрийн эрсдэлтэй нөхцөл үүсч болзошгүй
Салхи шуурганы нөлөөгөөр нутгийн зүүн хагаст хуурайшилт нэмэгдэж, гал түймэр гарах эрсдэл өндөр байгааг мэргэжилтнүүд онцолж байна. Иймд ой мод, хээр талд ил гал гаргахгүй байх, түймрийн аюулыг бууруулахад иргэдийн оролцоо чухал гэдгийг дахин сануулжээ.
Бороо, чийгшил ургамлын ургалтад эерэг нөлөө үзүүлнэ
Түүнчлэн тавдугаар сарын 1–2-ны өдрүүдэд Хангайн уулархаг нутгаар, тухайлбал Архангай, Өвөрхангай, Баянхонгор аймгийн хойд хэсгээр хур тунадас орох төлөвтэй байна.
Цаг уурчдын хэлснээр, хаврын улиралд хоногийн дундаж агаарын температур +5 хэмээс дээш болоход ургамал цухуйж эхэлдэг тул дээрх өдрүүдийн хур тунадас ургамлын ургалтыг сайжруулах нөхцөл бүрдүүлж байна.
