Монголын холимог тулааны тамирчдын чансааг тогтоох зорилготой “MGL-1 Fight Night 7” тэмцээн энэ сарын 18-нд Баянхонгор аймгийн Спортын ордонд болно.
Тэмцээн анх удаа орон нутагт зохион байгуулагдана
“MGL-1” холбоо болон Гурван бүсийн холимог тулаанчдын холбоо хамтран тэмцээнийг зохион байгуулах бөгөөд энэ удаа орон нутгийн холимог тулаан сонирхогчдын хүсэлтэд үндэслэн Баянхонгор аймагт явуулахаар шийдвэрлэжээ.
Тэмцээнд нийт мэргэжлийн дөрөв, сонирхогчдын хоёр тулаан болох бөгөөд шилдэг залуу тулаанчид ур чадвар, хүч чадлаа сорин “MGL-1” холбооны албан ёсны чансаанд багтах эрхийн төлөө өрсөлдөнө.
Гол тулаанууд
Энэ удаагийн тэмцээний оргил тулаан нь Б.Цэндсүрэн болон З.Балжинням нарын хооронд өрнөх юм.
- Б.Цэндсүрэн — 9 тулаанд оролцож, 5 ялалт, 4 ялагдалтай.
- З.Балжинням — 3 ялалт, 4 ялагдалтай үзүүлэлттэй байна.
Мөн 70 кг-ын жинд “One Team Fighting Club”-ын тамирчин Э.Баттулгатай тулалдах ёстой байсан тамирчин гэмтлийн улмаас оролцох боломжгүй болсон тул үзэгчдэд “Жалам хар” нэрээр танигдсан Ө.Баярмандах оролцохоор болжээ.
Өмнөх туршлага
Баянхонгор аймаг 2022 онд Гурван бүсийн холимог тулаанчдын холбооны тэмцээнийг зохион байгуулж байсан туршлагатай бөгөөд энэ удаа тэмцээн илүү өргөн хүрээнд, олон үзэгчтэй болох төлөвтэй байна.
Тэнд очиж үзэх юмсан, сонирхолтой байх нь
Манай залуусын хүчийг харуулах боломж гарч байна