45, 50 жилийн ойг тохиолдуулсан олон улсын тэмцээн
ЗХУ, БНМАУ-ын сансрын хамтарсан нислэгээр монгол хүн сансарт ниссэний түүхт 45 жил, Эрдэнэт хот байгуулагдсаны 50 жилийн ойг тохиолдуулан “Хоёр нуурын цом” олон улсын хоккейн тэмцээнийг зохион байгуулахаар болжээ.
Тэмцээний хуваарь: Эрдэнэтээс “Байгал” нуурын эрэг рүү
Дөрөв дэх удаагийн тус тэмцээн энэ сарын 25-нд нээлтээ хийж, эхний тоглолтууд Эрдэнэтийн мөсөн талбайд явагдах аж. Харин тэмцээн 28-нд ОХУ-ын Буриадын Максимаха тосгонд үргэлжилж, хоёр дахь шат нь “Байгал” нуурын орчим зохион байгуулагдана гэж мэдээлэв.
Оролцох багууд ба тоглолтын журам
Хоёр үе шаттай нөхөрсөг тэмцээнд:
- Монголын шигшээ баг
- ОХУ-ын Буриадын шигшээ баг
- ОХУ-ын Эрхүү мужийн “Польтех” баг
оролцоно. Багууд тойргийн журмаар тоглох бөгөөд хамгийн олон хожил авсан баг ялагчийн цом өргөх юм.
Зохион байгуулах хороо, зорилго
Энэхүү тэмцээнийг зохион байгуулах хорооны даргаар Монгол Улс, ЗХУ-ын баатар, сансрын нисэгч Ж.Гүррагчаа ажиллаж байна. Зохион байгуулагчдын зүгээс “Хоёр нуурын цом” нь хоёр орны залуу тамирчдыг нэгтгэхээс гадна олон улсын оюутны спортын хөдөлгөөнийг хөгжүүлэхэд чухал ач холбогдолтойг онцолжээ.
