АНУ-ын Даллас хотод болж буй хамгийн өндөр чансаатай Counter-Strike 2 цахим спортын Intel Extreme Masters Dallas 2025 (IEM Dallas 2025) тэмцээн гурав дахь өдрөө үргэлжилж байна. Нийт 1 сая ам.долларын шагналын сантай тус тэмцээнд дэлхийн шилдэг 16 баг хоёр хэсэгт хуваагдан өрсөлдөж байгаа бөгөөд Азийн чансааны оноогоор Монголын “The MongolZ” баг уригдан оролцож байна.
Манай баг Европын шилдэг багуудын нэг болох G2 Esports багтай А хэсгийн плей-оффт шалгарах эрхийн төлөөх Во3 тоглолтод 2:0-н харьцаатайгаар үнэмлэхүй ялалт байгууллаа. Тэд өөрсдийн сонгосон “Inferno” мап дээр 13:4-өөр, G2-ын сонгосон “Dust 2” мап дээр 13:7-оор ялалт байгуулснаар дэлхийн цахим спорт сонирхогчдыг гайхшируулсан юм.
Ийнхүү The MongolZ баг плей-оффт шалгараад байгаа бөгөөд маргааш 07:00 цагаас Францын Team Vitality багтай хийх тоглолтод А хэсгийн нэгдүгээр байрт шалгарах эсэхээ шийдэх юм. Манай баг хожвол шууд шөвгийн наймд шалгарна. Хэрэв хожигдвол хагас шигшээд А болон В хэсгийн хоёр, гуравдугаар байрын багтай тоглоно.
IEM Dallas 2025 аварга баг 285 мянган ам.долларын шагнал, хоёрдугаар байр эзэлсэн баг 150 мянган долларын шагнал хүртэнэ. Тэмцээний дараа Counter-Strike 2-ын хамгийн том арга хэмжээ болох BLAST.tv Austin Major 2025 6-р сарын 2-оос 22-ны хооронд АНУ-д явагдах болно.
“The MongolZ” багийн амжилт нь тоглогчдын ур чадвараас гадна 1xBet-ийн дэмжлэгтэй холбоотой. Ивээн тэтгэгчээс үзүүлж буй санхүү, логистикийн дэмжлэг нь багт дэлхийн тавцанд амжилттай өрсөлдөх боломжийг олгохын зэрэгцээ Монголын спортыг хөгжүүлэхэд томоохон хувь нэмэр оруулаад байгаа юм.
