Нийслэлийн 15 Байршилд Явган Хүний Замыг Байгалийн Чулуун Хавтангаар Тохижуулна
Нийслэлийн 15 байршилд явган хүний замыг байгалийн чулуун хавтангаар тохижуулах ажлыг эхлүүлэхээр гэрээ байгуулжээ. Энэ ажлын хүрээнд Энхтайваны өргөн чөлөө, Чингисийн өргөн чөлөө, Олимпын гудамжны нийтийн эзэмшил, явган хүний зам талбайн тохижилт хийгдэнэ.
Нийслэлийн Хөрөнгө оруулалтын газар уг төслийг хариуцаж, захиалагчийн хяналтыг хийж байна. Мөн дулааны улиралд иргэдэд саад учруулахгүй байх зорилгоор авто замын ажилтай уялдуулан явган замыг тохижуулах талаар нийслэлийн Хөрөнгө оруулалтын газрын дарга Б.Мөнхбат, Замын хөгжлийн газар, Хот төлөвлөлт судалгааны институт, холбогдох хяналтын инженерүүд, дүүргийн менежерүүд болон гүйцэтгэгч байгууллагуудын төлөөлөл, НЗДТГ-ын хамтарсан уулзалтыг зохион байгуулжээ.
