Цаг уурын байгууллагаас мэдээлснээр Сэлэнгэ аймагт 11-р сарын 22-ноос эхлэн цаг агаарын нөхцөл огцом өөрчлөгдөж, зарим бүс нутгаар цас орж, цасан шуурга шуурах төлөвтэй байна.
Цас, шуургатай өдрүүд эхэлж байна
Цаг агаарын 5 хоногийн урьдчилсан мэдээгээр дараах байдлаар өөрчлөлт орно:
- 11-р сарын 22: Аймгийн баруун хойд хэсгээр цас орно.
- 22-23-ны шөнө: Зүүн хойд нутгаар цасан шуурга шуурна.
- 11-р сарын 25: Ихэнх сумдын нутгаар цас орж, шуургатай байх төлөвтэй.
Харин 11-р сарын 24 болон 26-ны өдөр цас орохгүй, тогтуун байх хандлагатай байна.
Салхи ширүүсч, хүйтний эрч чангарна
Салхины хувьд ихэнх хугацаанд сүүлд секундэд 5–10 метр байх бөгөөд 11-р сарын 23 болон 25-ны өдрүүдэд зарим газраар 13–15 м/с хүртэл ширүүсэх төлөвтэй байгаа нь цасан шуурганы эрчийг нэмэгдүүлнэ.
Эрс хүйтрэхийг анхааруулж байна
Агаарын температур мөн эрс буурч, хүйтний эрч хүчтэй мэдрэгдэнэ:
- Хугацааны эхэнд:
- Шөнөдөө: -11…-16°C
- Өдөртөө: -2…-7°C
- 11-р сарын 23-наас эхлэн:
- Орхон, Сэлэнгэ, Хараа, Ерөө голын сав газарт:
- Шөнөдөө: -24…-29°C
- Өдөртөө: -12…-17°C
- Бусад сумдын нутгаар:
- Шөнөдөө: -18…-23°C
- Өдөртөө: -6…-11°C
- Орхон, Сэлэнгэ, Хараа, Ерөө голын сав газарт:
Иргэд, малчдад зориулсан сэрэмжлүүлэг
Цаг агаарын хүндэрсэн нөхцөл байдалтай холбоотойгоор авто замын хөдөлгөөнд хүндрэл үүсэх, мал сүрэг төөрөх, осол гэмтэл гарах эрсдэл нэмэгдэх тул иргэд, малчид, тээвэрчдийг өндөр сонор сэрэмжтэй байхыг анхааруулж байна. Мал аж ахуй, эрүүл мэнд, боловсролын байгууллагууд ч мөн урьдчилан бэлтгэл хангах хэрэгтэй байна.
