Барилгын явц 55 хувьд хүрчээ
Сонгинохайрхан дүүргийн 20 дугаар хороонд баригдаж буй Өвлийн спортын ордны ажил 55 хувийн гүйцэтгэлтэй үргэлжилж байна. Тус ордон нь нийт 5300 ам метр талбай бүхий гурван блок цогцолбор байх бөгөөд эдэлбэр газрын 43 хувийг барилга, 16.95 хувийг ногоон байгууламж, 24 хувийг авто зам, 5.6 хувийг явган хүний зам эзлэхээр төлөвлөжээ.
Одоогоор гадна дулаан шугамын ажил бүрэн дууссан бөгөөд үндсэн барилгын каркас болон металл фасадын угсралт үргэлжилж байна.
Иргэдэд шинэ боломж бүрдэнэ
Тус ордон ашиглалтад орсноор нийслэлийн иргэд, ялангуяа хүүхэд залуучууд спортоор хичээллэх, чөлөөт цагаа зөв өнгөрүүлэх орчин бүрдэх юм. Мөн өвлийн спортын тамирчид олон улсын стандартад нийцсэн нөхцөлд бэлтгэл сургуулилтаа хийх боломжтой болно.
