BLAST.tv Austin Major 2025 тэмцээнд Team Vitality-ийн дахин нэг ялалтаас гадна нэгэн түүхэн үйл явдалтай болов – Монголын The MongolZ баг Counter-Strike-ийн мажорын түүхэнд финалд шалгарсан анхны Ази баг болж, цахим спортын ертөнцөд шинэ хуудас нээлээ.
Монгол дахь 1xBet-ийн шинжээчид энэхүү амжилтыг онцлон дүгнэж, дэлгэрэнгүй тайлбар хүргэж байна.
Мажорын статистик
Энэ түүхэн үйл явдлыг ойлгохын тулд Counter-Strike-ийн мажор тэмцээнүүдийн талаар товч статистик хуваалцъя. Valve компани бүх багуудыг 3 бүс нутагт хуваадаг: Европ (Европ, ТУХН), Америк (Хойд ба Өмнөд Америк) болон Aзи номхон далайн бүс нутаг (Азийн орнууд, Океанид, Төв Азийн орнууд).
2013 оноос хойш Counter-Strike-ийн мажор тэмцээн 22 удаа зохион байгуулагдсанаас – 19 нь CS:GO, 3 нь CS2 хувилбарууд дээр болсон байна. Европын багууд 16 удаа ялалт байгуулсан бөгөөд, харин Америкийн багууд 6 удаа ялсан. Astralis (4 удаа), Fnatic (3 удаа), NAVI болон Vitality (хоёул 2 удаа) аваргалсан нь мажорын хамгийн олон удаа түрүүлсэн багууд болж байна юм.
PGL Major Krakow 2017 болон StarLadder Berlin Major 2019-д Gambit Esports болон AVANGAR багууд оролцож байсан ч Европын CIS бүсэд ордог тул азийн багт тооцогддоггүй.
The MongolZ багийн гранд финалд хүрсэн зам
The MongolZ багийн одоогийн бүрэлдэхүүн 2023 оны 4-р сард бүрдсэн бөгөөд IHC Esports байгууллагын тоглогчид, олон улсын брэнд 1xBet-ийн дэмжлэгтэйгээр Монголын алдарт The MongolZ багийг сэргээсэн юм.
Дахин сэргэсэн The MongolZ багийн анхны улирал нь багийн бүрэлдэхүүнийг тодорхойлоход зарцуулсан бөгөөд 2023 оны 9-р сард багийн бүрэлдэхүүн баталгаажсан: ахлагч Гарьдмагнай “bLitz”, снайпер Өсөхбаяр “910”, рифлерүүд Содбаяр“Techno4K”, Аюуш “mzinho”, Азбаяр “Senzu”. Senzu багт орох үедээ 17 настай байсан бол mzinho ердөө 16 настай байсан юм.
The MongolZ баг нь YaLLa Compass 2024 болон Thunderpick World Championship 2024 тэмцээнүүдэд түрүүлж, Skyesports Championship 2024 тэмцээнд мөнгөн медаль хүртсэн амжилттайгаар эхний улирлыг өндөрлүүлсэн. Тэдний энэ амжилт нь 1 сая долларын шагналын мөнгө олсон ба NAVI, Spirit, болон G2 багуудтай өрсөлдөж, хамгийн том гурвалын дунд оржээ.
Мажорын үр дүн
- BLAST.tv Paris Major 2023:
- Азийн RMR-д 2-р байр
- Challengers Stage-д 1-3 үзүүлэлттэй, 20-22 байр
- Шагнал: $10,000
- PGL Major Copenhagen 2024:
- Азийн RMR-д 1-р байр
- Opening Stage-д 3-2, Elimination Stage-д 0-3
- 15-16 байр
- Шагнал: $20,000
- Perfect World Shanghai Major 2024:
- Азийн RMR-д 1-2-р байр
- Opening Stage 3-0, Elimination Stage 3-0, анх удаа плей-оффт ороод, шөвгийн наймд гараад хасагдсан
- 5-8 байр
- Шагнал: $45,000
- BLAST.tv Austin Major 2025:
- VRS Asia-гийн дагуу шууд урилга
- Stage 3 (3-2) амжилттай давж плей-оффт орсон
- FaZe Clan болон paiN Gaming-ийг хожиж, анх удаа гранд-финалд хүрсэн
- 2-р байр
- Шагнал: $170,000
Тэмцээний дүн
The MongolZ сүүлийн дөрвөн мажорт тасралтгүй ахиц гаргасаар ирлээ. Тэдний гүйцэтгэл жилээс жилд сайжирч, дэлхийн тавцанд Монголын нэрийг өндөрт өргөж байна. Хэрэв энэ өсөлт үргэлжилбэл, тэд StarLadder Budapest Major 2025-т түрүүлж, шинэ түүхийг бичих боломжтой.
