Дэлхийн хэмжээний Counter-Strike 2 тоглоомын нэр хүндтэй тэмцээн болох Intel Extreme Masters Cologne 2025 Германд үргэлжилж байгаа бөгөөд Монгол Улсаас оролцож буй “The MongolZ” баг хасагдах шатанд шалгарч, Украины NAVI багтай оноолт таараад байна.
“The MongolZ” баг А хэсэгт багтан өрсөлдөж, хэсгээ хоёрдугаар байраар дуусгасан. Тэд хэсгийн сүүлийн тоглолтдоо дэлхийн чансааг тэргүүлж буй Францын Team Vitality багтай тоглож, 0:2 онооны харьцаагаар ялагдсан ч хасагдах шатны эрхээ хадгалж үлдсэн юм.
Шөвгийн зургааны тоглолт Баасан гарагийн 21:45 цагт эхэлнэ. “The MongolZ” болон NAVI багууд “Best of 3” буюу гурван map-аар ялагчийг тодруулах тоглолтод тулна. Энэ тоглолтод ялалт байгуулсан баг шөвгийн дөрөвт шалгарч, Team Spirit багийн эсрэг Бямба гарагийн шөнө тоглох боломжтой.
Статистикийн хувьд, “The MongolZ” болон NAVI багууд өмнө нь таван удаа учраа таарсан бөгөөд монгол баг хоёр хожиж, гурван удаа ялагдаж байсан түүхтэй.
NAVI баг сүүлийн үед багийн бүрэлдэхүүнд өөрчлөлт хийсэн. Тус багийн алдарт тоглогч s1mple буюу Александр Костылиев багтаа баяртай гэж хэлж, Шведийн BC.Game Esports багт нэгдсэн. Мөн багийн өөр нэг тоглогч jL буюу Жастинас Лекавичюс сэлгээнд сууж, түүний оронд makazze (Косово) үндсэн бүрэлдэхүүнд багтжээ.
Ирэх тоглолт нь “The MongolZ” багийн хувьд зөвхөн дараагийн шат руу ахих тэмцээн биш, харин олон улсын тавцанд нэр хүнд, чансаагаа ахиулах чухал шалгуур байх болно.
Тус багийн албан ёсны ивээн тэтгэгчээр 1xBet Mongolia ажиллаж буй бөгөөд багийн ур чадвар, амжилт, олон улсын оролцоог тасралтгүй дэмжиж байна.
