Белград дахь том тэмцээний дараагийн шат
Сербийн Белград хотноо болсон цахим спортын Counter-Strike 2-ийн нэр хүндтэй FISSURE Playground 2 тэмцээний тойргийн шат зургаан өдрийн турш үргэлжилж, өчигдөр өндөрлөв. Энэ үеэр дэлхийн шилдэг найман баг тодорсон бөгөөд тэдний дунд Монголын The MongolZ хүчтэй өрсөлдөгчдийн хамтаар шөвгийн шатанд шалгарлаа. Шигшээ наймд Туркийн Aurora Gaming, Нидерландын Team Liquid, Европын G2 Esports, Бразилын FURIA, Данийн Astralis, Бразилын paiN Gaming, Саудын Арабын Team Falcons зэрэг багууд багтжээ.
Монголын баатрын дараагийн сорилт
Маргаашаас шөвгийн наймын тоглолтууд албан ёсоор эхлэх бөгөөд манай улсын The MongolZ 16:00 цагт Европын алдарт G2 Esports-ийн эсрэг хүч үзнэ. Энэхүү тоглолт Bo3 буюу гурван map-аар ялагчийг тодруулах дүрмээр явагдах бөгөөд өндөр түвшний өрсөлдөөн болох нь дамжиггүй.
Амжилтын түүх ба боломж
Монголын баг өмнө нь G2 Esports-ийн эсрэг дөрвөн удаа тоглохдоо гурван ялалт байгуулж, нэг удаа ялагдсан амжилттай байгаа нь тоглолтын өмнөх хүлээлтийг улам нэмэгдүүлж байна. Хэрэв манай баг маргааш ялалт байгуулж чадвал шөвгийн дөрөвт Туркийн Aurora Gaming болон Нидерландын Team Liquid-ийн аль хожсонтой нь хүч үзэхээр болно.
Ийнхүү “The MongolZ”-ийн тоглолтыг зөвхөн Монголын цахим спорт сонирхогчид төдийгүй дэлхийн олон орны үзэгчид сонирхон хүлээж байгаа бөгөөд энэ нь тэмцээний хамгийн их анхаарал татсан тоглолтуудын нэгээр нэрлэгдэж байна.
Маргаашийн тоглолтыг тэсэн ядан хүлээж байна
The MongolZ ялалт авчрах болтугай