Автомашины үйлдвэрлэлийн ирээдүйг тодорхойлох нэгэн томоохон дэвшил Японд бүртгэгдлээ. “Тоёота” компани электролизийн аргаар гаргаж авсан устөрөгчийг ашиглан ажилладаг шинэ төрлийн хөдөлгүүрээ олон нийтэд танилцуулсан нь автомашины салбарт шинийг эхлүүлэх дохио боллоо.
Энэхүү шинэ хөдөлгүүр нь эрчим хүчний эх үүсвэр болгон зөвхөн устөрөгч ашиглаж, гадагш агаарт ердөө усны уур л ялгаруулдаг. Уламжлалт цахилгаан автомашины адил литийн батерей ашигладаггүй бөгөөд цэнэглэх станц ч шаардлагагүй болсноор дэд бүтцийн хамаарлыг бууруулж, хэрэглэгчдэд илүү хялбар, байгальд ээлтэй шийдэл болж чаджээ.
Тоёотагийн энэ технологи нь зөвхөн автомашины салбарын ирээдүйд нөлөөлөхөөс гадна ногоон эрчим хүчний шийдэлд хувьсгал авчрахуйц алхам хэмээн мэргэжилтнүүд онцолж байна.
