Монголын сагсан бөмбөгийн холбоо энэ жил анх удаа “Холбооны цом” аварга шалгаруулах тэмцээнийг зохион байгуулж байна. Тэмцээнд дээд болон хөгжлийн лигийн эрэгтэй 32, эмэгтэй 16 баг өрсөлдөж буй бөгөөд шөвгийн наймын тоглолтууд Спортын төв ордонд өнөөдөр эхэллээ.
Эмэгтэй багуудаас “Улаанбаатар Амазонс” “Дусал Тус ШУТИС Шаркс” багийг 91-58 оноогоор хожиж, хагас шигшээд өрсөлдөх эхний баг болов. Тус тоглолтод “Улаанбаатар Амазонс” багийн тоглогч, гавьяат тамирчин О.Хулан 21 оноо, 5 самбар, 4 бөмбөг таслалт бүртгүүлжээ.
“Холбооны цом”-ын шөвгийн наймын тоглолтууд өнөөдөр, маргааш үргэлжилж, шилдэг дөрвөн баг бүрэн тодрох юм.
