2025 оны наймдугаар сарын 27-ны өдөр 10:00 цагийн үед Улаанбаатар хотын Таваншарын “Номин” агуулах худалдааны төвийн урд хэсэгт “Приус” маркийн суудлын автомашин галт тэрэгтэй мөргөлдөх осол гарлаа.
Осол гарснаар “Монос”-ын уулзвар болон Таваншарын нүхэн гарцын хоорондох авто замд их хэмжээний түгжрэл үүссэн байна. Аз болоход ослын улмаас хүний амь нас, эрүүл мэндэд хохирол учраагүй гэж албаныхан мэдээлжээ.
Мэргэжилтнүүдийн онцолсноор галт тэрэг яаралтай тоормослох үедээ ч 800-1000 метр зам туулж байж бүрэн зогсдог тул хөдөлгөөнд оролцогчид анхаарал болгоомжтой байх шаардлагатай юм.
