Осол 04:00 цагийн орчимд гарчээ
2025 оны арваннэгдүгээр сарын 6-ны 04:00 цагийн орчимд, Хан-Уул дүүргийн 15-р хороо-ны нутаг дэвсгэрт “Замын ажил хийж байсан хүнийг автомашин мөргөж, хэргийн газраас зугтсан” гэх дуудлага Цагдаагийн байгууллагад иржээ.
Хэргийг газар дээр нь шалгахад зам тээврийн ослын улмаас нэг иргэн нас барсан болох нь тогтоогдсон байна.
Осол гаргаад оргон зайлсан жолоочийг илрүүлжээ
Цагдаагийн байгууллага шуурхай эрэн сурвалжлах ажиллагаа явуулсны үр дүнд, осол гаргасан жолоочийг богино хугацаанд илрүүлжээ.
Тодруулбал, уг ослыг 19 настай А хэмээх залуу үйлдсэн болох нь тогтоогдож, түүнийг олж баривчилсан байна.
Одоогоор уг хэрэгт холбогдуулан мөрдөн шалгах ажиллагаа үргэлжилж байгаа бөгөөд Цагдаагийн Ерөнхий Газраас ослын шалтгаан, нөхцөлийг тодруулах ажлыг явуулж байгаа талаар мэдээллээ.
