Шинэ Хархорум хотын суурьшлын бүсэд 1500 га газрыг ойжуулах төлөвлөгөө хэрэгжиж эхэлжээ. Энэ хүрээнд усалгааны ухаалаг систем бүхий талбайд энэ жил 553.8 мянган мод тарьж, хамгаалалтын хашаа байгуулсан байна.
Өнгөрсөн хаврын мод тарих аянд нийт 21 аймаг болон нийслэлийн хэмжээнд:
- 3412 аж ахуйн нэгж,
- 185,010 иргэн оролцож,
- 8,442,481 ширхэг мод тарьсан тухай БОУАӨЯ мэдээллээ.
“Тэрбум мод” үндэсний хөдөлгөөний дагуу Засгийн газраас энэ оны намрын мод тарих ажлыг 9 дүгээр сарын 25-наас 10 дугаар сарын 26-ныг хүртэл зохион байгуулахаар тогтоод байна.
Үүнээс гадна ойн хөнөөлт шавжийн эсрэг томоохон ажил өрнөж байгаа бөгөөд 16 аймгийн 128 сумын ойн сангийн нийт 1.7 сая га талбайд устгал хийжээ. Одоогоор гэрлэн урхи тавих болон өндөг түүх зэрэг механик аргаар хөнөөлт шавжтай тэмцэж байна.
