Дэлхийн Боксын Холбоо (World Boxing)-ны Удирдах зөвлөлийн ээлжит хурлаар долоон шинэ орны боксын холбоог гишүүнчлэлд албан ёсоор хүлээн авснаар тус байгууллагын гишүүн орнуудын тоо 118 болж өсжээ.
Энэ удаа гишүүнээр элссэн орнууд бол Болив, Эл Сальвадор, Израиль, Микронез, Сомали, Төв Африкийн Бүгд Найрамдах Улс болон Хаити юм.
Одоогоор:
- Европ тивийн бүх 36 улс
- Ази тивээс 33 улс
- Америк тивээс 28 улс
- Африк тивээс 13 улс
- Далайн бүс нутгаас найман улс
шинэ холбооны бүрэн эрхэт гишүүнээр 2023 оноос хойш бүртгэгджээ.
Түүнчлэн тус холбооны нэр дээр зохион байгуулагдах насанд хүрэгчдийн дэлхийн аварга шалгаруулах тэмцээн ирэх есдүгээр сарын 4-нөөс 14-ний хооронд Английн Ливерпүүл хотод зохиогдохоор товлогдсон байна.
