Улаанбаатар, 2025 оны наймдугаар сарын 6. Нийслэлийн хүүхдийн цэцэрлэгийн цахим бүртгэл үргэлжилж байгаа бөгөөд 2025-2026 оны хичээлийн жилд улсын хэмжээнд 278,290 хүүхдийг сургуулийн өмнөх боловсролд хамруулах хэрэгцээ үүсч байгаа аж. Үүний 135,582 хүүхэд нь нийслэлд хамаарах бөгөөд, 2025 оны 8 дугаар сарын 06-ны өдрийн 12:30 цагийн байдлаар нийслэлийн цэцэрлэгийн цахим бүртгэлийн системд 74,385 эцэг эх, асран хамгаалагч хандаж, хүүхдийнхээ бүртгэлийг баталгаажуулсан байна.
Нийслэлийн цэцэрлэгт хамрагдах хүсэлтийг 2025 оны 8 дугаар сарын 04-ний өдрөөс 8 дугаар сарын 18-ны өдрийг дуустал “E-MONGOLIA” платформоор хүлээн авч байна.
