2025-2026 оны хичээлийн жилд төрийн өмчийн ерөнхий боловсролын сургуулийн нэгдүгээр ангид элсэн суралцах хүүхдүүдийн цахим бүртгэл өнөөдрөөс албан ёсоор эхэллээ.
Бүртгэлийг улсын хэмжээнд E-Mongolia системээр дамжуулан наймдугаар сарын 26-ны өдрийг дуустал зохион байгуулна.
Эцэг эхчүүд бүртгүүлэхдээ дараах зүйлийг анхаарах шаардлагатай. Үүнд:
- Өөрийн болон хүүхдийн хаягийн бүртгэл, мэдээллийг нягталж, баталгаажуулсан байх
- Шилжилт хөдөлгөөнийг 8-р сарын 22-ноос өмнө баталгаажуулах
- Хуурамч хаягийн бүртгэл, түрээсийн гэрээ хийхийг хориглоно
Энэ удаагийн элсэлтэд 2019 оны 1-р сарын 1-нээс 12-р сарын 31-ний хооронд төрсөн зургаан настай хүүхдүүд хамрагдана.
