Үндэсний статистикийн хорооноос мэдээлснээр 2025 оны есдүгээр сард улсын хэмжээнд инфляцын түвшин 9 хувь болж, өнгөрсөн оны мөн үеийнхээс 2.7 нэгж хувиар өссөн байна.
Инфляцын гол шалтгаанууд
Өсөлтийн 2.8 нэгж хувь буюу 31.4% нь хүнсний бараа, ундаа, усны бүлгийн үнийн өсөлтөөс, харин 1.9 нэгж хувь буюу 20.5% нь орон сууц, ус, цахилгаан, түлшний үнэ нэмэгдсэнээс шалтгаалжээ.
Бараа, үйлчилгээний бүлгээр авч үзвэл:
- Хүнсний бараа — 10.4% өссөн
- Хүнсний бус бараа — 8.5% өссөн
- Үйлчилгээний үнэ — 15% өссөн
- Төвийн бүсэд 7.5%, Улаанбаатар хотод 9.9%-ийн өсөлт бүртгэгдсэн байна.
Үнийн өсөлтөд нөлөөлсөн гол хүчин зүйлс
Инфляцын өсөлтөд:
- Импортын бараа (бензин, түлшнээс бусад) — 2.2 нэгж хувь,
- Дотоодын бараа (мах, хатуу түлшнээс бусад) — 5.3 нэгж хувиар тус тус нөлөөлжээ.
Мөн гэр ахуйн тавилга, бараа 1.9%, хувцас, гутал 0.8%-иар өссөн нь хэрэглээний үнийн сагс дээр нөлөөлсөн байна.
Хүнсний бүтээгдэхүүний үнэ
Мах, махан бүтээгдэхүүн 2024 оны мөн үеийнхээс 14.5%-иар өсжээ.
- Үхрийн мах — 16.8%,
- Хонь, ямааны мах — 15.2% өссөн байна.
Мөн талх, гурил, будааны үнэ 6.5%-иар өсөж,
- Талх, нарийн боов — 8.6%,
- Гоймон — 17.5%-ийн өсөлт үзүүлжээ.
Улаанбаатар хотын үнийн түвшин
Нийслэлд судлагдсан 418 нэр төрлийн бараа, үйлчилгээний үнэ 2024 оны мөн үеийнхээс 9.9% өссөн байна.
- Импортын барааны үнэ 1.9 нэгж хувь (19.5%),
- Дотоодын барааны үнэ 6.4 нэгж хувь (65.4%)-аар нөлөөлсөн байна.
Үхрийн мах, гурил, бензиний үнэ
- Үхрийн цул мах (1 кг) — 24,364 төгрөг (2024 оноос 18.3%, өнгөрсөн сараас 127 төгрөгөөр өссөн)
- 1-р зэргийн гурил (1 кг) — 2,449 төгрөг (2024 оноос 3.7%-иар өссөн)
- АИ-92 бензин (1 литр) — 2,590 төгрөг (2024 оноос 200 төгрөгөөр өссөн, өнгөрсөн сараас өөрчлөлтгүй)
Бүс нутгийн харьцуулалт
Орон нутагт үнийн өсөлт 6.1–10%-ийн хооронд хэлбэлзэж байна.
- Булган аймаг — 6.1% (хамгийн бага өсөлт)
- Ховд аймаг — 10% (хамгийн өндөр өсөлт)
