Испанийн аварга шалгаруулах тэмцээний 26-р тойргийн хүрээнд Мадридын “Реал” өөрийн талбайдаа “Хетафе”-д 0:1-ээр хожигдлоо. Тоглолтын цорын ганц гоолыг Мартин Сатриано 39 дэх минутад оруулж, зочин багт үнэтэй гурван оноо авчирсан байна.
Улаан хуудас, Мбаппегийн эзгүйдэл тоглолтын өнгийг тодруулав
Хоёрдугаар үеийн нэмэлт цагт сэлгээгээр орж ирсэн “Реал”-ын Франко Мастантуоно улаан хуудсаар, “Хетафе”-гийн Адриан Лисо шар хуудсаар торгуулснаар талбайгаас хөөгдөв. Мөн “Реал”-ын франц довтлогч Килиан Мбаппе энэ тоглолтыг өнжсөн бөгөөд түүний өвдөгний шөрмөс гэмтсэн гэж өмнө нь мэдээлэгдэж байсан юм.
Хүснэгтийн байдал ба дараагийн тоглолтын тов
Энэ ялагдал “Реал”-ын хувьд энэ улирлын АШТ-д анх удаа хоёр дараалан хожигдсон тохиолдол боллоо. Өмнөх тойрогт тэд “Осасуна”-д 0:2-оор дийлдсэн. Одоогоор “Реал” 60 оноотойгоор хүснэгтийн хоёрдугаарт бичигдэж байгаа бол “Барселона” 64 оноотойгоор тэргүүлж байна. Харин “Хетафе” 32 оноо авснаар 11 дүгээр байр руу ахижээ.
Дараагийн тойрогт “Реал” гуравдугаар сарын 6-нд “Сельта”-гийн талбайд зочлон тоглоно. Харин “Хетафе” гуравдугаар сарын 8-нд өөрийн талбайдаа “Бетис”-тэй өрсөлдөнө.
