Өмнө нь аврах ажиллагааны үед нуранги доороос хүмүүсийг гаргахдаа зөвхөн гар ажиллагаатай спин тасдагч болон тэлэгч ашигладаг байсан. Харин одоо аврагчид Словени улсад үйлдвэрлэсэн хийн дэр, ивээс, Шведийн бетон зүсэгч, олон үйлдэлт иж бүрдэл, Австрийн Weber брэндийн тасдагч зэрэг олон улсын стандартад нийцсэн орчин үеийн төхөөрөмжөөр хангагджээ.
Эдгээр багаж, төхөөрөмжүүд нь нурангид дарагдсан иргэдийг хурдан хугацаанд илрүүлж, аюулгүй аврах боломжийг бүрдүүлдэгээрээ онцлогтой.
Монголын аврагчид олон улсын хэмжээнд ч туршлага хуримтлуулсан байдаг. Тухайлбал:
- 2011 онд Японд болсон цунамигийн дараах аврах ажиллагаанд анх удаа оролцсон бол,
- 2023 онд Турк улсад болсон хүчтэй газар хөдлөлтийн үеэр хийн дэр ашиглан 19 хүний цогцсыг нурангиас гаргаж авсан юм.
Ийнхүү шинэ багаж хэрэгслээр хангагдсанаар аврагчдын ажил илүү үр дүнтэй, хурдан шуурхай болохоос гадна олон хүний амь насыг аврах боломж нэмэгдэж байна.
