Улаанбаатар хотод Монгол Улсын Ерөнхийлөгчийн санаачилсан “Эрүүл монгол хүн” үндэсний хөдөлгөөн-ий хүрээнд уламжлалт “Бүх нийтийн гүйлт” 11 дэх жилдээ зохион байгуулагдахаар болжээ. Тэмцээн нь есдүгээр сарын 20-нд Үндэсний цэцэрлэгт хүрээлэнд болох юм.
Гүйлтийн төрөл, шагнал урамшуулал
- 10 км, 21 км, 42 км зайд өрсөлдөх эрэгтэй, эмэгтэй тамирчдын эхний гурван байр медаль, өргөмжлөл, ивээн тэтгэгчдийн шагнал хүртэнэ.
- Пара төрөл буюу тэргэнцэртэй оролцогчид мөн ижил нөхцөлтэй уралдана.
- 5 км нийтийн гүйлт нь насны ангилалгүй бөгөөд эхний 10-д орсон оролцогчдод медаль, өргөмжлөл, шагнал олгоно.
Дагалдах үйл ажиллагаа
Тэмцээний үеэр Үндэсний цэцэрлэгт хүрээлэнгийн усан оргилуурын талбайд эрүүл мэндийн өдөрлөг зохион байгуулагдана. Энэ өдөрлөгт:
- фитнесс, спиннинг, шугаман бүжиг, иог,
- гар дээр суниалт, гийр өргөх зэрэг спортын төрөл танилцуулж,
- зөв хооллолтын зөвлөгөө өгнө.
Нийгмийн ач холбогдол
Зохион байгуулагчдын онцолсноор энэ жилийн гүйлт нь зөвхөн эрүүл мэндийг дэмжихээс гадна хөгжлийн бэрхшээлтэй иргэдийн талаарх нийгмийн ойлголт, хандлагыг өөрчлөх, спортоор дамжуулан тэднийг илүү нийгэмшүүлэхэд чиглэж байна. Үүнтэй холбоотойгоор тус гүйлтэд зориулсан экспо арга хэмжээ маргаашаас эхлэн гурван өдрийн турш үргэлжлэх юм.
