Олон улсын томоохон хурал хоёр дахь өдрөө үргэлжилж байна
НҮБ-ын Цөлжилттэй тэмцэх тухай конвенцын Талуудын 17 дугаар бага хурал буюу COP17 Монгол Улсад албан ёсоор эхэлж, хоёр дахь өдрөө үргэлжилж байна.
Хуралтай холбоотой бүртгэл, зочин төлөөлөгчдийн хөдөлгөөн, хурлын талбайн үйлчилгээ болон зохион байгуулалтын тоон мэдээллийг өдөр бүр шинэчлэн танилцуулах юм.
167 улсын төлөөлөгч Монгол Улсын хилээр нэвтэрчээ
Энэ сарын 17-ны байдлаар 167 улсын төлөөлөгч Монгол Улсын хилээр нэвтэрсэн байна.
Мөн UNCCD COP17-ын Цэнхэр бүсэд 15 107 хүн бүртгүүлжээ. Давхардсан тоогоор нийт 23 162 удаагийн нэвтрэлт бүртгэгдэж, хурлын талбайд 1355 тээврийн хэрэгсэл нэвтэрсэн байна.
Зочид буудлуудад 9736 өрөө-хоногийн захиалга хийгдэв
COP17-д оролцож буй зочин төлөөлөгчид, албаны хүмүүс болон бусад оролцогчдын байрлах хэрэгцээтэй холбоотойгоор зочид буудлуудад нийт 9736 өрөө-хоногийн захиалга хийгджээ.
Энэ нь олон улсын хэмжээний томоохон хурлыг зохион байгуулахад байр, тээвэр, нэвтрэлт, үйлчилгээний зохицуулалт өргөн цар хүрээтэй явагдаж байгааг харуулж байна.
49 хүн анхны тусламжийн үйлчилгээ авчээ
Хурлын талбайн эрүүл мэнд, аюулгүй байдал болон үйлчилгээний хүрээнд 49 хүн анхны тусламжийн үйлчилгээ авсан байна.
Мөн эд зүйлээ мартсан, гээсэн 20 тохиолдол бүртгэгджээ. Харин галын болон аюулгүй байдалтай холбоотой дуудлага бүртгэгдээгүй байна.
704 сэтгүүлч магадлан итгэмжлэгдсэн байна
Наймдугаар сарын 18-ны байдлаар COP17-д ойролцоогоор 283 хэвлэл мэдээллийн байгууллагыг төлөөлсөн 704 сэтгүүлч магадлан итгэмжлэгдээд байна.
Үүнээс 584 нь Монголын, 120 нь олон улсын хэвлэл мэдээллийн байгууллагын сэтгүүлчид юм.
527 сэтгүүлчийн үнэмлэх хэвлэгджээ
Магадлан итгэмжлэгдсэн сэтгүүлчдээс одоогоор 527 хүний үнэмлэх хэвлэгдсэн байна.
Үүнээс 496 нь Монголын хэвлэл мэдээллийн байгууллагын, 31 нь олон улсын хэвлэл мэдээллийн байгууллагын сэтгүүлчдийн үнэмлэх бөгөөд БНХАУ-ын хэвлэл мэдээллийн төлөөлөгчид мөн багтжээ.
COP17-ын мэдээлэл өдөр бүр шинэчлэгдэнэ
COP17-ын бүртгэл, зочин төлөөлөгчдийн хөдөлгөөн, хурлын талбайн үйлчилгээ, аюулгүй байдал болон зохион байгуулалтын мэдээлэл цаашид өдөр бүр шинэчлэгдэн гарна.
Монгол Улсад болж буй энэхүү бага хурал нь цөлжилт, газрын доройтол, уур амьсгалын сорилтыг олон улсын түвшинд хэлэлцэх чухал талбар болж байна.
