Э.Цэндбаатар жингээ үзүүллээ: WBC-ийн бүсний төлөө тулалдахад бэлэн

Мэргэжлийн рингэнд 15 удаа тулалдаж, нэг ч ялагдаагүй Монгол Улсын гавьяат тамирчин Э.Цэндбаатар жингийн үзлэгээ амжилттай давжээ.

Тэрбээр “WBC USA super featherweight” буюу 58.97 кг-ын жингийн аваргын бүсний төлөө Тажикстаны боксчин Мухаммад Якубовтой хүч үзнэ. Өрсөлдөгч нь мэргэжлийн бокст 23 ялалт, нэг ялагдалтай байна.

Тулаан Монголын цагаар 2026 оны арваннэгдүгээр сарын 14-ний өглөө 09:00 цагт болно.