Хичээлийн шинэ хичээлийн жил эхлэхтэй холбогдуулан Энхтайвны өргөн чөлөөний авто замын эхний эгнээг бүрэн чөлөөлөх зохицуулалт хэрэгжиж эхэлсэн байна. Үүний үр дүнд нийтийн тээврийн автобусуудын дундаж хурд 10–13 км/цаг болж нэмэгдэх боломж бүрджээ.
Эхний долоо хоногийн тооцооллоор:
- Автобусны дундаж хурд 2.7 хувиар нэмэгджээ.
- Иргэдийн хүлээлтийн хугацаа богиноссон байна.
Энэ хугацаанд зөвшөөрөлгүйгээр эхний эгнээнд зогссон нийт 682 тээврийн хэрэгсэлд холбогдох хариуцлага тооцсон байна.
Мөн нийслэлийн гол зам, гудамжны 15 байршилд хөдөлгөөний эхний эгнээг чөлөөлөх, саад болж буй автомашиныг цэгцлэх ажлыг үргэлжлүүлэн зохион байгуулж байгаа аж.
Нийслэлийн Тээврийн газар жолооч нарыг нийтийн тээврийн хөдөлгөөнд саад учруулахгүй байх, зорчигчдын ая тухыг бодолцон замын хөдөлгөөнд соёлтой оролцохыг уриалжээ.
