Филиппинийг нөмөрсөн “Калмаэги” нэртэй далайн хүчтэй хар салхины уршгаар 140 хүн амь насаа алдаж, 127 хүн ор сураггүй болоод байна гэж Agence France-Presse мэдээллээ.
Байгалийн гамшгийн хор уршиг
Хар салхи улсын төв хэсгийг дайран өнгөрөхдөө нийт 706 мянган иргэнд хохирол учруулсан бөгөөд тэдний 348 мянга орчим хүнийг түр хамгаалах байранд нүүлгэн шилжүүлжээ. Цаг уурын байгууллагын мэдээлснээр, “Калмаэги” нь сүүлийн жилүүдэд Филиппинд тохиосон хамгийн хүчтэй шуурганы нэг гэж үзэж байна.
Онц байдал зарлав
Байдал хүндэрснээс шалтгаалан 53 суурин газарт онц байдал зарлаж, орон нутгийн удирдлагуудад тусгай бүрэн эрх олгосон байна. Үүний хүрээнд эрх баригчид нөөц сангийн хөрөнгийг ашиглах, хүнсний болон нэн шаардлагатай бараа бүтээгдэхүүний үнийг түр хугацаанд царцаах боломжтой болжээ.
Хар салхины дараагийн чиглэл
Цаг уурчдын мэдээлснээр, “Калмаэги” хар салхи одоо Вьетнамын зүг хөдөлж байгаа бөгөөд тус улсын эрх баригчид иргэдээ урьдчилан сэргийлэх арга хэмжээ авахыг анхааруулж эхэлжээ.
