Өмнөд Солонгосын алдарт дуучин, продюсер, загварын нөлөөлөгч, “BigBang” хамтлагийн ахлагч G-Dragon (Квон Жи Ён) өнөөдөр 37 нас хүрлээ.
Хүүхэд нас ба хөгжмийн гараа
1988 онд Сөүл хотод төрсөн тэрбээр зургаан настайдаа “Бяцхан Roo’Ra” хамтлагт элсэж, уран бүтээлийн гараагаа эхэлсэн. Гэвч гэрээ цуцлагдсанаар анхны томоохон уналттай тулгарсан ч хэзээ ч хөгжмөөс холдоогүй. Хэдэн жилийн дараа тэрбээр Америкийн “Wu-Tang Clan”-ийн хөгжимтэй танилцаж, рэп сонирхож эхэлснээр жинхэнэ урлагийн замналаа нээжээ.
“BigBang”-аас дэлхийн тайз хүртэл
2006 онд “BigBang”-ийн ахлагчаар албан ёсоор дебют хийснээр G-Dragon Солонгос төдийгүй дэлхий даяар нэрд гарсан. Хамтлагийн амжилттай зэрэгцэн тэр 2009 онд “Heartbreaker” нэртэй анхны бие даасан цомгоо гаргаж, соло уран бүтээлчийн хувьд ч рекорд тогтоосон.
2009, 2013, 2017 онуудад гурван удаагийн дэлхийн аялан тоглолтоо хийж, түүхэн амжилт байгуулсан нь түүнийг Солонгосын хамгийн том гоцлол дуучдын нэг болгожээ.
Боловсрол, хувийн амьдрал ба бизнес
G-Dragon нь их, дээд сургуульд хөгжмийн чиглэлээр суралцаж, дараа нь бизнес, худалдааны чиглэлээр магистрын зэрэг хамгаалсан. Өөрийн гэр бүлдээ зочид буудал, Чежү арал дээр “Mosant Cafe”-гаа байгуулсан бол хувийн брэнд “Peaceminusone”-оороо дэлхийд танигдсан.
Нөлөө ба шагнал
- 7 удаагийн Mnet Asian Music Awards
- 6 удаагийн Melon Music Awards
- 2 удаагийн Golden Disc Awards
зэрэг олон шагналын эзэн.
Тэрээр Forbes-ийн “Хамгийн нөлөө бүхий залуучуудын жагсаалт”-д багтаж, K-pop соёл, загварын чиг хандлагад хүчтэй нөлөөлсөөр байна.
Одоогийн замнал
Сүүлийн жилүүдэд тэр өөрийн шинэ уран бүтээлчийн замналаа “Galaxy” компанитай гэрээлж, бие даасан карьертаа төвлөрч байна. Мөн дэлхийн томоохон брэндүүдтэй хамтарч ажиллаж, шүтэн бишрэгчдийнхээ армийг улам бүр тэлсээр байгаа юм.
