“BigBang”-ийн ахлагч дэлхийн фенүүдтэйгээ дахин уулзаж байна
К-попын хаан гэгддэг G-Dragon (Квон Жи Ён) энэ оны хоёрдугаар сараас эхлэн “Ubermensch” нэртэй дэлхийн хэмжээний аялан тоглолтоо хийж байна. 2017 онд болсон “Act III: MOTTE” аялан тоглолтоороо Өмнөд Солонгосын гоцлол дуучдын дунд хамгийн том хэмжээний аялан тоглолт хийсэн амжилтаараа тэр дахин түүх бүтээж байна.
Шинэ “Ubermensch” тоглолтын хүрээнд тэрбээр Европт хамгийн олон тасалбар борлуулсан К-поп уран бүтээлч болж, олон улсын хөгжмийн салбарт шинэ амжилтын эзэн болжээ.
“Ubermensch” тоглолт дэлхийн кино дэлгэцнээ
G-Dragon фенүүддээ зориулж тоглолтоо кино хэлбэрээр хүргэхээр шийджээ. Энэхүү тоглолтын кино хувилбарыг аравдугаар сарын 29-нөөс дэлхий даяар, харин арваннэгдүгээр сарын 7-ноос Монголын кино театруудад албан ёсоор гаргаж эхэлнэ.
“Ubermensch” тоглолт нь G-Dragon-ы уран бүтээлийн шинэ эрин үеийг илэрхийлэх бөгөөд дуу, бүжиг, дүрслэл, фэшн, философийн гүн санааг нэгэн тайзан дээр хослуулсан бүтээл хэмээн шүүмжлэгчид онцолж байна.
