Ус, цаг уур, орчны судалгаа, мэдээллийн хүрээлэн хээрийн цасны 10 хоног тутмын хэмжилтийн дүнгээ нэгтгэхэд, нэгдүгээр сарын 31-ний байдлаар манай улсын нийт нутгийн 73 хувь нь цастай байгаа нь тогтоогджээ.
Хамгийн зузаан цастай бүс нутаг
Судалгааны мэдээллээр Увс аймгийн Ховд, Цагаанхайрхан, Хяргас, Завхан аймгийн Цэцэн-Уул, Баянтэс, Нөмрөг, Хөвсгөл аймгийн Цэцэрлэг, Алаг-Эрдэнэ, Сэлэнгэ аймгийн Ерөө, Орхонтуул, Орхон, Хүдэр, Цагааннуур, Хушаат зэрэг сумдад цасны зузаан 31–47 см хүрч байна.
Цастай нутгийн эзлэх хувийг өмнөх арав хоногийн хэмжилттэй харьцуулахад 14 хувиар буурсан үзүүлэлттэй гарсан ч нийт нутгийн гуравны хоёр гаруй хэсэг нь цасан бүрхүүлтэй хэвээр байгаа нь анхаарал шаардсан нөхцөл байдал хэвээр байгааг харуулж байна.
