Монголын уламжлалт харвааны төрөл бөмбөг намнааг Дэлхийн аваргын албан ёсны төрөлд анх удаа багтааж, Монгол Улсад 30 гаруй орны 170 шилдэг харваач өрсөлдөх гэж байна. “Нүүдэлчин” Дэлхийн соёлын фестивалийг энэ оны 8 дугаар сарын 22-24-нд нийслэлийн Налайх дүүргийн гуравдугаар хорооны нутаг дахь Тайж хайрханы бэлд дөрөв дэх удаагаа зохион байгуулах юм.
Морьт харвааны ДАШТ-ийг Монголын үндэсний морьт харвааны нэгдсэн холбоо зохион байгуулж байгаа бөгөөд манай улсаас 15 шилдэг харваач оролцохоор бэлтгэл сургуулилалтаа базааж байна. Тэмцээнийг дэнслэх олон улсын зэрэглэлтэй шүүгчид, ЮНЕСКО болон Дэлхийн морьт харвааны холбооны удирдлагууд хүрэлцэн ирэх гэж байгаа юм.
