Монгол Улсын инфляцын түвшин 2025 оны аравдугаар сард 9.2 хувь болсон талаар Үндэсний статистикийн хороо мэдээллээ. Энэ нь өнгөрсөн оны мөн үеийнхээс 2.6 нэгж хувиар өссөн үзүүлэлт юм.
Импорт, хүнсний бүтээгдэхүүн үнийн өсөлтийг хөтөлж байна
Инфляцын өсөлтөд бензин, түлшнээс бусад импортын барааны үнэ 2.2 нэгж хувь, харин мах, хатуу түлшнээс бусад дотоодын барааны үнэ 5.4 нэгж хувиар нөлөөлсөн байна.
Хэрэглээний бараа, үйлчилгээний сагсанд нийт 430 нэр төрлийн бүтээгдэхүүн ордог бөгөөд үүний 55.3 хувь нь импортын бараа байна.
Мах, гурил, будаа — үнийн өсөлтийн гол “хөдөлгөгч”
Мах, махан бүтээгдэхүүний үнэ өмнөх оны мөн үеэс 16.7 хувиар өссөн байна.
- Үхрийн мах — 18.1% өсөв
- Хонь, ямааны мах — 18.2% өсөв
Түүнчлэн талх, гурил, будааны бүлгийн үнэ 6.9 хувиар өссөн гэж мэдээлэв.
Нийслэлийн инфляц 9.9 хувь
Улаанбаатар хотод инфляцын түвшин 9.9 хувь болж, өмнөх оны мөн үеэс 3.5 нэгж хувиар нэмэгджээ.
Хотын хэрэглээний сагсны 418 нэрийн бараа, үйлчилгээний 144-ийн үнэ өсөж, 61 нь буурсан байна.
Үнийн жишээ
- Үхрийн цул мах (1 кг): 24,258 төгрөг
- 2024 оны 10 сараас 19% өссөн
- 2023 оны 10 сараас 32.8% өссөн
- 1-р зэргийн гурил (1 кг): 2,459 төгрөг
- 2024 оны 10 сараас 4.6% өссөн
- АИ-92 бензин (1 литр): 2,590 төгрөг
- 2024 оны 10 сараас 8.4% өссөн
- 2025 оны 9 сараас өөрчлөлтгүй
Орон нутагт
Орон нутгийн инфляц 6.4–10.5 хувийн хооронд хэлбэлзэж байна.
- Булган аймаг — хамгийн бага өсөлт (6.4%)
- Дархан-Уул аймаг — хамгийн өндөр өсөлт (10.5%)
Үнийн өсөлтөд хамгийн их нөлөөлсөн бүлгүүд
- Хүнс, ундаа, ус — 11.9%
- Хувцас, гутал — 6.7%
- Орон сууц, цахилгаан, түлш — 19.3%
- Зочид буудал, нийтийн хоол — 11.3%
- Боловсрол — 12.8%
Бензиний үнэ ингэж нэмэгдэх нь олон хүний төсөвт дарамт болно
Инфляц өсөхөөр амьдралын өртөг ч нэмэгдэнэ гэж санаа зовж байна