NBA-ийн плей-оффын төгсгөлийн шат ид өрнөж байгаа энэ үед 1xBet улирлын турш онцгой тоглолт үзүүлсэн таван шилдэг тоглогчийг онцолж байна.
1. Никола Йокич (Денвер)
Хөгжөөн дэмжигчид түүнийг сүүлийн таван улирал дараалан MVP авах хэмжээний тоглолт үзүүлсэн гэж үздэг ч Йокич гуравхан удаа л уг шагналыг хүртсэн. Гэхдээ ийм маргаан үүснэ гэдэг нь төвийн тоглогчийн байрлалд тэр ямар өндөр түвшинд тоглож байгаагийн илрэл юм. Түүнийг буруутгах аргагүй — харин багийн удирдлага хариуцлага хүлээх ёстой.
Йокич бол сагсан бөмбөгийн жинхэнэ гоц ухаантан. Тэр зөвхөн оноо авч, самбараас бөмбөг авдаггүй — Денвер багийн довтолгооныг бүрэн зохион байгуулдаг. Түүний дамжуулалт бол урлаг, талбайн өрнөлийг мэдрэх чадвар нь онцгой.
2. Яннис Антетокунмпо (Милуоки)
“Грекийн мангас” хэмээн алдаршсан энэ тоглогч зогсоохын аргагүй хүчтэй. Түүний хүч чадал, уян хатан байдал нь довтолгоонд илт давуу байдал үүсгэдэг. Яннис зөвхөн довтолгоонд биш, хамгаалалт ч бас шилдэг. Тэр бараг бүх байрлалд тоглож байсан.
Милуоки баг плей-оффт шалгарсан ч эхний шатанд хасагдсан. Үүний дараа Яннис анх удаа өөр баг руу шилжих тухай бодож эхэлжээ.
3. Шэй Гилжес-Александр (Оклахома Сити)
Канад хамгаалагч Шэй энэ улиралд MVP-ээр тодорч, Оклахома Сити Тандер баг 68 дахь ялалт байгуулсан. Тэр гурван улирал дараалан 30+ онооны дундажтай тоглосон ба хүнд үед сандралгүй шийдэмгий тоглодог жинхэнэ удирдагч юм.
Өрсөлдөгч багийн хөгжөөн дэмжигчид түүн рүү “чөлөөт шидэлтийн наймаачин” гэж өдөх нь бий. Гэвч шүүгчтэй маргалддаг давтамжийг харвал Шэй нь Жеймс Харден, Лука Дончич зэрэг тоглогчидтой харьцуулахад хамаагүй бага асуудал үүсгэдэг.
4. Жэйсон Тэйтум (Бостон)
Бостон багтайгаа аваргалж, Парисын олимпт АНУ-ын шигшээ багт тоглосноор Жэйсон Тэйтум өнгөрсөн жил спортын ертөнцийн гол анхаарлын төвд байлаа. Тэрбээр MVP шагналыг авч чадаагүй, Dream Team-ийн сэлгээнд багтсанд шүүмжлэл хүртсэн ч улирлын турш гайхалтай тоглолтоороо хариу өгсөн.
Тэйтум нь гурваас шидэх, хамгаалагчийг хуурах, ар талаас хүчтэй дайрах зэрэг довтолгооны олон талт чадвартай. Мөн хамгаалалтад тогтвортой, найдвартай тоглодог тул багийнхаа үнэмлэхүй удирдагч болсон. Гэсэн ч тэр плей-оффын үеэр бэртэл авсан тул дараагийн улирлыг өнжиж магадгүй.
5. Донован Митчелл (Кливленд)
Кливленд багийн довтолгооны манлайлагч Спайда Митчелл энэ улиралд зүүн бүсийн шилдэг багийг удирдан тоглолоо. Тэр уртаас оноо авч, хамгаалагчийг сөрж, тоглолтын хувь заяаг өөрчилж чаддаг тоглогч юм.
Индианагийн эсрэг цувралд баг нь ялагдсан ч тэр дунджаар 35 оноо авч байсан. Хэрэв тэр одоогийнхоо хурдаар тоглосоор байвал удахгүй аваргын цомыг хүртэх нь гарцаагүй хэмээн 1xBet дүгнэжээ.
