Маргааш АНУ-ын Остин хотод эхлэх BLAST Austin Major 2025 тэмцээнд Монголын нэрийг дэлхийд таниулсан The Mongolz баг оролцох гэж байна. Тус багийн хувьд энэ тэмцээн нь 2025 оны хамгийн том шалгуур бөгөөд олон улсын мэргэжлийн түвшний багуудтай өрсөлдөх чухал үе шат юм.
Он гарсаар The Mongolz болон Бразилийн алдарт FURIA багууд аль хэдийн гурав удаа таарч тоглоод байгаа. Энэхүү тэмцээний эхний шатанд тэд дөрөв дэх удаагаа тулах тов гарсан бөгөөд өмнөх тоглолтуудаас авсан туршлага, сургамж нь The Mongolz багт энэ удаа илүү амжилт гаргах боломжийг бүрдүүлж байгаа гэж шинжээчид үзэж байна.
Багийн тоглолтын хэв маяг, багийн бүрэлдэхүүн болон бэлтгэлийн хуваарь нь сүүлийн саруудад улам боловсронгуй болж, олон улсын тавцанд өрсөлдөх чадавхтай гэдгээ баталсаар ирсэн. Энэхүү амжилтын ард багийн гишүүдийн шаргуу хөдөлмөрөөс гадна, 1xBet Монгол компанийн ивээн тэтгэлт чухал үүрэг гүйцэтгэж байна. Тэд The Mongolz багийн албан ёсны ивээн тэтгэгчээр ажиллаж байгаа бөгөөд багийн гадаад болон дотоод орчинд бодит дэмжлэг үзүүлсээр ирсэн.
The Mongolz-ийн тоглолт зөвхөн Монголын фэнүүдийн анхаарлыг татахгүй, олон улсын Counter-Strike сонирхогчдын хүрээнд ч хүлээлт үүсгээд байна. FURIA-тай хийх энэ удаагийн тоглолт нь зөвхөн дахин нэг тулаан биш, харин хоёр багийн хувьд улирлын хамгийн чухал мөчүүдийн нэг байх болно.
Тэмцээн маргааш албан ёсоор эхэлнэ. The Mongolz баг дэлхийн тавцанд Монголын нэрийг дахин мандуулах шинэ боломжийн өмнө зогсож байна.
