BLAST Bounty Fall 2025 тэмцээний ивээн тэтгэгч 1xBet Монгол дэмжлэгтэйгээр Монголын шилдэг киберспортын багуудын нэг “The MongolZ” түүхэн амжилтаа үргэлжлүүлж байна.
500 мянган ам.долларын шагналын сантай, “Counter-Strike 2”-ийн дэлхийн нэгдүгээр зэрэглэлийн энэхүү тэмцээн Бүгд Найрамдах Мальта улсад өрнөж байгаа бөгөөд манай баг урьдчилсан шатанд хоёр дараалан ялалт байгуулж шөвгийн наймд шалгарсан юм.
Шөвгийн наймын тоглолтод “The MongolZ” Туркийн “Aurora Gaming”-тай гурван “map”-аас ялагчийг тодруулах дүрмээр тоглож, 2:0 харьцаатай илт давуугаар ялалт байгууллаа. Эхний “Dust2” map дээр хамгаалалтын талаас эхэлж 8:4-өөр давамгайлсан манай тамирчид довтолгоонд шилжсэний дараа таван үе дараалан авч, 13:11-ээр ялсан. Дараагийн “Mirage” map дээр довтолгооноос эхэлж 1:11-ээр хоцорсон ч хамгаалалтад гайхалтай эргэн ирэлт хийж, 16:13-аар эцсийн ялалтыг авсан юм.
Одоо “The MongolZ” хагас шигшээд шалгарч, Герман улсын “MOUZ” багийн хамтаар шилдэг дөрвийн эгнээнд багтаад байна. Үлдсэн шөвгийн наймын тоглолтуудын дараа манай багийн хагас шигшээний өрсөлдөгч тодорхой болно.
