Төрийн албаны зөвлөлийн 2025 оны 551 дүгээр тогтоолоор Төрийн албаны ерөнхий шалгалтын 2026 оны бүртгэл, зохион байгуулалтын товыг тогтоосон байна. Төрийн албаны тухай хуульд зааснаар, төрийн жинхэнэ албаны нөөцийг бүрдүүлэх зорилгоор энэхүү ерөнхий шалгалтыг улирал тутам зохион байгуулдаг.
Төрийн албаны зөвлөлийн аймаг, нийслэл дэх салбар зөвлөлд шалгалтын товийг нийтэд мэдээлж, шалгалт зохион байгуулах бэлтгэл ажлыг төлөвлөн хэрэгжүүлж ажиллахыг зөвлөжээ.
2026 Оны Төрийн Албаны Ерөнхий Шалгалтын Хуваарь
| Улирал | Бүртгэл | Шалгалт |
| I улирал | 2 сарын 02 – 2 сарын 17 | 3 сарын 02 – 3 сарын 09 |
| II улирал | 4 сарын 20 – 5 сарын 05 | 5 сарын 18 – 5 сарын 25 |
| III улирал | 8 сарын 10 – 8 сарын 25 | 9 сарын 07 – 9 сарын 14 |
| IV улирал | 11 сарын 02 – 11 сарын 17 | 11 сарын 30 – 12 сарын 07 |
Шалгалтад бэлтгэгчдэд зориулсан “e-taz” нэртэй гар утасны аппликейшн байдаг бөгөөд энэ нь төрийн албаны шалгалтад бэлтгэгчдэд зориулсан тест болон ном унших боломжийг олгодог.
Мэдээлэл болон бүртгэлийн дэлгэрэнгүй хаяг: https://exam.csc.gov.mn/.
