Нийслэлийн хэмжээнд байрлуулсан 2600 гаруй ухаалаг камер ашиглан есдүгээр сарын 1-нээс эхлэн татвараа хугацаанд нь төлөөгүй тээврийн хэрэгслийг автоматаар илрүүлж, эзэмшигчид рүү нь зөвлөмж хүргүүлж байна.
Энэхүү ажлыг:
- Тээврийн цагдаагийн алба,
- Нийслэлийн Замын хөдөлгөөний хяналтын газар,
- Нийслэлийн Татварын газар хамтран хэрэгжүүлж байгаа бөгөөд нийслэлийн төвийн зургаан дүүргийн 28 байршилд 300 гаруй албан хаагч он дуустал хяналт, шалгалт хийнэ.
Хуульд зааснаар тээврийн хэрэгсэл эзэмшигчид жилийн албан татвараа зургадугаар сарын 1-ний дотор төлөх ёстой. Харин хугацаа хэтэрвэл хиймэл оюун ухаанд суурилсан системээр илрүүлж, холбогдох арга хэмжээ авна гэж албаныхан анхаарууллаа.
