Монгол Улсын Их Хурлын 2025 оны хаврын чуулганаар хэлэлцэж, баталсан Амьтны тухай хуульд нэмэлт оруулах тухай хуулиар малчдын аюулгүй байдал, амьжиргаанд заналхийлж буй саарал чонын тоо толгойг зохицуулах эрх зүйн шинэ нөхцөлийг бүрдүүллээ.
УИХ-ын гишүүн О.Амгаланбаатарын 2025 оны 3-р сарын 17-нд өргөн мэдүүлсэн энэхүү хуулийн төслийн дагуу иргэд өмнө нь зөвхөн тодорхой хэмжээний төлбөр төлж, эрхийн бичиг авсны үндсэн дээр чоныг агнах боломжтой байв. Хуулийн өөрчлөлтөөр мал, хүн амын эрүүл мэнд, аюулгүй байдалд заналхийлсэн нөхцөлд өөрийн болон бусдын амь нас, эрүүл мэнд, мал сүргээ хамгаалах зорилгоор зайлшгүй шаардлагаар чоно агнасан бол ямар нэгэн хариуцлага хүлээхгүй байхаар хуульчилжээ.
Харин ердийн нөхцөлд нэг чоныг агнахын тулд 248,600 төгрөгийн төлбөр төлж, урьдчилан зөвшөөрөл авах шаардлагатай хэвээр байна. Энэхүү зөвшөөрөл нь 5 хоногийн хугацаанд хүчинтэй бөгөөд хугацаа хэтэрсэн тохиолдолд дахин төлбөр төлөх шаардлагатай.
Энэхүү нэмэлт өөрчлөлт нь 2025 оны 6-р сарын 1-нээс хэрэгжиж эхэлсэн бөгөөд малчдын эрх ашиг, орон нутагт үүссэн амьтны нөөцийн тэнцвэргүй байдалтай тэмцэхэд чиглэж байна.
