Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ойд зориулсан Үндэсний их баяр наадмын бэлтгэл ажил ид өрнөж байна.
Энэ жилийн наадмын ерөнхий найруулагчаар Төрийн соёрхолт, урлагийн гавьяат зүтгэлтэн найруулагч Н.Наранбаатар ажиллаж байгаа бөгөөд баярын үйл ажиллагааг “Мөнхөд гэрэлтэх Монгол” уриан дор зохион байгуулах юм.
Нийт 2500 гаруй уран бүтээлчийн оролцоотойгоор үндэсний урлаг, түүх, соёлыг илэрхийлэх цогц бүтээлийг тайзнаа амилуулах уг тоглолт наадмын оргил хэсгүүдийн нэг болж байгаа билээ.
Нээлтийн тоглолтын дахин тоглолт зарлагдлаа
Наадмын нээлтийн урлагийн тоглолтыг үзэж амжаагүй иргэдэд зориулан:
- 2025 оны долдугаар сарын 11-ний 21:00 цагт
- тайз, гэрэл, дэлгэц, дүрслэлийн цогц шийдэл бүхий шоу хэлбэрээр
дахин тоглохоор болсон байна.
Тасалбарын мэдээлэл
Оройн тоглолтыг үзэхийг хүсвэл:
- Тасалбарын үнэ: 80,000 төгрөг
- Борлуулагдаж буй цахим хаягууд:
Монгол үндэстний түүх, өв соёл, өнөө цагийн авьяаслаг уран бүтээлчдийн нэгдэл болсон энэхүү тоглолт нь үзэгчдэд мартагдашгүй үдэш бэлэглэх нь гарцаагүй.
